• Atención psicolóxica e social
  Servizos sociais municipais e autonómicos de axuda á integración social e recuperación das vítimas.

• Asesoramento e asistencia xurídica gratuíta

  • Garántese o dereito a un avogado de oficio para aquelas vítimas que non poidan custealo.

  • Nos casos de violencia de xénero, a asistencia xurídica é gratuíta sen necesidade de demostrar falta de recursos.

• Protección e seguridade
  Ordes de protección e afastamento para garantir a seguridade das vítimas.

• Guía de recursos económicos: Axudas e Subvencións
  Existen diversas axudas e subvencións destinadas ás vítimas de delitos, en función do tipo de delito. Destácanse algunhas delas:

  • Axudas a víctimas de delitos violentos: As Clases Pasivas ofrecen axudas a persoas que foron víctimas de delitos violentos. O prazo para solicitar estas axudas é dun ano desde a data do feito delituoso, con excepcións para vítimas de violencia de xénero ou violencias sexuais, para as que o prazo é de cinco anos. Clases Pasivas: Axudas a vítimas de delitos.

  • Prestacións para persoas con discapacidade:

    • Subsidio de mobilidade e compensación por gastos de transporte (SMGT).

    • Asistencia sanitaria e prestación farmacéutica (ASPF): para discapacitados con grao igual ou superior ao 33%.

  • Pensións non contributivas: Para discapacitados con grao igual ou superior ao 65%, asegura prestación económica, asistencia médico-farmacéutica gratuíta e servizos sociais complementarios, aínda que non se cotizara ou se fixera de forma insuficiente. Pensión non contributiva de xubilación e invalidez.

• Leis e decretos sobre axudas económicas para vítimas de delitos violentos e contra a liberdade sexual.
  Estas leis e decretos buscan ofrecer ás vítimas de delitos violentos e contra a liberdade sexual unha rede de apoio económico, xurídico e psicolóxico para facilitar a súa recuperación e reintegración social:
   

  • Lei 35/1995, do 11 de decembro, de Axudas e Asistencia ás Vítimas de Delitos Violentos e Contra a Liberdade Sexual: Establece un sistema de indemnización e apoio para as vítimas de delitos violentos e sexuais. BOE-A-1995-26714.

  • Real Decreto 664/2024, do 9 de xullo: Regula as axudas económicas específicas para as vítimas de violencias sexuais no marco da Lei Orgánica 10/2022. BOE-A-2024-14085.

  • Lei 4/2015, do 27 de abril, do Estatuto da Vítima do Delito: Establece dereitos para as vítimas de delitos violentos e sexuais, incluíndo axudas económicas. BOE-A-2015-4606 Ley 4/2015, de 27 de abril, del Estatuto de la víctima del delito.

As vítimas de delitos dispoñen de diversos recursos asistenciais específicos que complementan os servizos xerais dispoñibles en España:

• Oficinas de Asistencia ás Vítimas do Delito (OAVD) en Galicia
  Estas oficinas ofrecen atención integral ás vítimas, proporcionando información, apoio psicolóxico, asesoramento xurídico e acompañamento durante o proceso xudicial. Están presentes nas principais cidades galegas, garantindo un acceso próximo e adaptado ás necesidades de cada vítima.

• Servizos de Atención a Vítimas de Violencia de Xénero
  Galicia conta cunha rede de centros e servizos especializados na atención ás vítimas de violencia de xénero, que inclúen:

  • Centros de Información á Muller (CIM): Brindan ás mulleres asesoramento xurídico, apoio psicolóxico, información sobre recursos e servizos (axudas, subvencións, programas sociais, e servizos especializados para mulleres, como os relacionados coa saúde, a educación e o emprego).

  • Casas de Acollida: Proporcionan aloxamento temporal e seguro a mulleres e os seus fillos que se atopan en situación de risco.

  • Servicio de Atención Telefónica 24 horas: Dispoñible a través do número 900 400 273, ofrece atención inmediata e confidencial.

• Servizo de Emerxencias Médicas 061 Galicia
  O 061 é o número de emerxencias médicas en Galicia, xestionado polo Servizo Galego de Saúde (Sergas). Este servizo garante unha resposta rápida ante situacións de urxencia e emerxencia sanitaria, incluíndo a atención a vítimas de delitos que requiran asistencia médica inmediata.

• Teléfono Arcoíris (028)
  Este servizo telefónico gratuíto e confidencial está dirixido a vítimas de delitos de odio e discriminación por LGTBI fobia. Ofrece atención as 24 horas do día, brindando asesoramento legal, apoio psicolóxico e orientación sobre recursos dispoñibles. O 028 é accesible en varios idiomas, incluíndo o galego, e está adaptado para persoas con discapacidades auditivas e da fala.

• Reforma da Lei de Saúde de Galicia
  A Xunta de Galicia anunciou recentemente unha reforma na Lei de Saúde para fortalecer as medidas contra as agresións físicas e verbais dirixidas ao persoal sanitario. Esta reforma permitirá que as xerencias poidan presentar denuncias mesmo se os profesionais non o desexan, e a Xunta terá a capacidade de sancionar administrativamente aos agresores, aínda que non se considere unha infracción penal. Ademais, implementaranse dispositivos de alerta nos centros sanitarios e poñeranse en marcha servizos de axuda psicolóxica e xurídica para as vítimas.

• Estamos contigo proporcionándoche toda a axuda e apoio que poidas precisar para superar a túa situación e protexer os teus dereitos. Pide a túa cita aqui: Oficinas de asistencia ás vítimas do delito.