Saír
Se precisas SAÍR RÁPIDO de esta web, fai click no botón
SAÍR
Estará sempre dispoñible na parte dereita das páxinas. Ao pinchar sobre él, levarate a un contido distinto.
Atención psicolóxica
As Oficinas de Atención ás Vítimas de Delito ofrecen diversos servizos psicolóxicos para apoiar ás persoas que foron vítimas de delitos. Estes servizos están orientados a ofrecerche apoio emocional e psicolóxico, axudándote a mitigar o impacto psicolóxico do delito sufrido.
-
Intervención en crise.
As vítimas que se atopen nunha fase de crise inmediata tras o delito poden recibir atención psicolóxica para estabilizar o seu estado emocional e previr consecuencias máis graves. -
Avaliación psicolóxica.
Realízanse avaliacións para comprender o impacto do delito na saúde mental da vítima e establecer un plan de intervención axeitado. -
Orientación e asesoramento emocional.
Ofrécese información e orientación sobre como xestionar as emocións e o estrés derivados da situación traumática, así como estratexias de autocuidado. -
Atención psicolóxica individual.
Bríndase apoio emocional e psicolóxico ás vítimas para axudarlles a afrontar as consecuencias emocionais, como ansiedade, depresión, estrés postraumático, entre outras. -
Terapias grupais.
Nalgúns casos, as OAVD organizan grupos de apoio nos que as vítimas poden compartir as súas experiencias con outras persoas que pasaron por situacións semellantes. Isto favorece o intercambio de estratexias de afrontamento e xera un sentido de comunidade. -
Apoio no proceso xudicial.
A vítima pode recibir acompañamento psicolóxico durante o proceso xudicial para axudarlle a afrontar a experiencia de testemuñar ou participar en audiencias, de xeito que se minimicen os efectos emocionais negativos. -
Intervencións para a prevención da revitimización.
Bríndanse ferramentas e estratexias para evitar que a vítima volva ser afectada polo mesmo tipo de delito ou polo impacto emocional que este poida ter na súa vida. -
Rehabilitación emocional e psicoeducación.
A través de programas educativos, axúdase ás vítimas a comprender e xestionar os efectos do trauma, o que facilita a súa recuperación emocional.
-
Fase de acollida
-
Recóllese información para obter unha avaliación inicial da vítima.
-
-
Fase de información
-
Proporciónase información sobre as medidas psicolóxicas de asistencia e apoio dispoñibles e sobre o procedemento para a súa aplicación.
-
Proporciónase información sobre os servizos especializados dispoñibles que poidan prestar asistencia.
-
-
Fase de intervención
-
Avalíase a vulnerabilidade da vítima.
-
Proporciónase asistencia psicolóxica no ámbito do proceso xudicial.
-
Elabórase unha proposta de medidas de asistencia e protección da vítima durante a fase de investigación e ao longo de todo o proceso.
-
Complétanse os informes de avaliación.
-
Realízase o acompañamento ao xuízo ou a outras instancias xudiciais cando se considere conveniente ou sexa requirido por xuíces ou fiscais, especialmente no caso de menores, persoas con discapacidade intelectual ou outras vítimas especialmente vulnerables.
-
Derívase á vítima, se procede, aos servizos especializados dispoñibles segundo as súas necesidades (Saúde, Igualdade, Servizos Sociais, etc.).
-
-
Fase de seguimento
-
Comproba a evolución da vítima respecto da súa situación de vulnerabilidade.
-
Realízase o seguimento da vítima durante un período de tempo despois da conclusión do proceso xudicial, se o profesional o considera necesario segundo as circunstancias do caso.
-
Estes servizos están deseñados para axudarche a sanar e recuperar o teu benestar
emocional tras ter sufrido un delito. As OAVD adoitan traballar en
colaboración con outras institucións, como servizos de saúde e organizacións non
gobernamentais, para ofrecerche un apoio integral.
Ponte en contacto con calquera das nosas oficinas para que poidamos axudarche.