Saír
Se precisas SAÍR RÁPIDO de esta web, fai click no botón
SAÍR
Estará sempre dispoñible na parte dereita das páxinas. Ao pinchar sobre él, levarate a un contido distinto.
Dirixímonos a ti
As Oficinas de Asistencia ás Vítimas do Delito ofrecen apoio integral tanto ás vítimas directas como ás indirectas, ofrecendo asistencia xurídica, psicolóxica e social. O seu obxectivo é garantir o acceso á información, a protección e os recursos necesarios para atenuar o impacto do delito, facilitando a súa recuperación e benestar.
Por suposto, ofrecemos un coidado e apoio especial ás vítimas con discapacidade física, intelectual ou enfermidade mental para que sentan seguras e protexidas en todo momento.
Vítimas directas
Toda persoa física que sufrise un dano ou prexuízo sobre a súa propia persoa ou patrimonio, en especial lesións físicas ou psíquicas, danos emocionais ou prexuízos económicos directamente causados por un delito.
Estamos á túa disposición se es vítima directa dun delito:
Vítima de violencia de xénero
É un dos grupos prioritarios para as oficinas das vítimas. Dirixímonos tanto ás mulleres vítimas de violencia de xénero como aos fillos e fillas menores, así como quen estea suxeito/a á tutela, garda ou custodia das mulleres vítima de violencia de xénero.
Vítima de delitos sexuais
Menor vítima de delito
Os menores de idade que foron vítimas de calquera tipo de delito como violencia física, psicolóxica, abuso, explotación ou pornografía infantil, tamén son unha prioridade para as nosas oficinas.
Vítima de delitos de odio
Tamén nos diriximos ás vítimas de delitos de odio baseados na orientación sexual, relixión, etnia ou calquera outra forma de discriminación.
Vítima da trata de seres humanos
As persoas que foron vítimas da trata de seres humanos, con fins de explotación sexual, laboral ou de calquera outro tipo.
Vítima de terrorismo
Ofrecemos tamén un apoio específico ás vítimas de terrorismo, tanto ás vítimas de atentados como ás vítimas de atentados errados.
Outras vítimas de delitos
Estamos tamén ao dispor das vítimas doutros tipos de delitos incluídos nos termos do Artigo 2 do Estatuto da vítima do delito. Por exemplo, vítimas de delitos económicos e fraudes (fraude, roubo de identidade, estafa e outros delitos financeiros), vítimas de accidentes de tráfico que resultasen lesionadas ou que perdesen a un ser querido, entre outras.
Vítimas indirectas
Toda persoa física que, sen ser o obxectivo directo da agresión, sofre consecuencias emocionais, psicolóxicas, sociais ou económicas debido ao delito.
Familiar próximo
Fillos, pais, irmáns ou parella da vítima directa, proxenitores e outros parentes en liña recta que poden verse afectados polo dano sufrido ou a perda dun ser querido.
Coidador ou profesional
Nalgúns casos, quen asiste á vítima pode experimentar estrés ou desgaste emocional.
Amigo ou persoa do contorna
Persoas próximas que sofren impacto emocional ou social por mor do delito.
Testemuña do delito
Aqueles que presencian a violencia e poden desenvolver secuelas psicolóxicas.
Menor exposto á violencia
Fillos e fillas menores e quen estea suxeitos a tutela, garda ou custodia das mulleres vítimas de violencia de xénero ou de persoas vítimas de violencia doméstica que presencian violencia no fogar, mesmo se non son agredidos fisicamente.
As nosas oficinas teñen un enfoque integral, proporcionando información, protección, apoio psicolóxico, asistencia social e asistencia xurídica ao longo de todo o proceso xudicial, e mesmo posteriormente, para garantir a reparación das vítimas.