Saír
Se precisas SAÍR RÁPIDO de esta web, fai click no botón
SAÍR
Estará sempre dispoñible na parte dereita das páxinas. Ao pinchar sobre él, levarate a un contido distinto.
Quenes somos
As Oficinas de asistencia ás vítimas do delito teñen como obxectivo ofrecer apoio e información ás persoas afectadas, directa ou indirectamente, por delitos. Isto inclúe casos de violencia de xénero, violencia doméstica, outros delitos violentos, danos á saúde física ou mental (como os acosos), delitos contra a liberdade sexual, accidentes de tráfico, roubos con violencia, delitos de odio e/o discriminación, entre outros. En calquera caso, a asistencia que
brindan estas oficinas non depende de que se presentase unha denuncia previamente.
Estas oficinas brindan, de forma gratuíta, unha asistencia completa e especializada, que inclúe axuda xurídica, psicolóxica e social durante todo o proceso, e mesmo despois da súa finalización.
Tamén promoven medidas de xustiza restaurativa para reparar o dano causado por un delito á vítima (indemnizacións, compensacións económicas, reunións de mediación, etc.) para evitar o risco de volver ser victimizada.
Así mesmo, proporcionan recursos para garantir a seguridade das vítimas e serven como centro de coordinación das ordes de protección das vítimas de violencia doméstica e de xénero ditadas polos tribunais.
Para saber máis
-
A Lei 35/1995, do 11 de decembro, de axudas e asistencia ás vítimas de delitos violentos e contra a liberdade sexual, establece un sistema de axudas públicas para as vítimas directas ou indirectas de delitos dolosos e violentos cometidos no territorio nacional, resultando en morte, lesións graves ou danos significativos na saúde física ou mental. Esta lei foi modificada pola Lei Orgánica 10/2022, do 6 de setembro, co obxectivo de reforzar a protección das vítimas de violencias sexuais, aliñándose co Convenio de Istambul e eliminando a distinción entre agresión e abuso sexual.
-
A Lei 4/2015, do 27 de abril, do Estatuto da vítima do delito, publicada no Boletín Oficial do Estado (BOE) o 28 de abril de 2015, é fundamental para a protección e asistencia ás vítimas de delitos no sistema xudicial español. Establece un catálogo de dereitos para as vítimas, co obxectivo de garantir a súa protección, información, apoio, asistencia e atención durante e despois do proceso penal. A modificación máis relevante que sufriu esta lei foi a Lei 1/2022, do 11 de marzo, que introduciu cambios importantes na protección das vítimas de delitos, en especial, das vítimas de violencia de xénero, terrorismo e outras vítimas vulnerables. Posteriormente, foi obxecto de revisión e actualización. O Real Decreto-lei 14/2022, do 7 de outubro, polo que se adoptan medidas urxentes en materia de vítimas de delitos, introduciu importantes modificacións nesta lei, co obxectivo de mellorar a atención e protección das vítimas de delitos, especialmente no relativo ao seu acceso á xustiza, atención psicosocial e garantías procesuais. Por outra banda, o Real Decreto 1109/2015, do 11 de decembro, desenvolve aspectos desta lei, regulando as Oficinas de Asistencia ás Vítimas e establecendo protocolos de actuación e colaboración entre as Administracións Públicas e as entidades especializadas na atención as vítimas.
-
Resolución do 15 de setembro de 2008 da Dirección Xeral de Xustiza, pola que se constitúen os servizos comúns de atención á cidadanía e asistencia á vítima dependentes dos decanatos dos xulgados das cidades de Ferrol, Lugo, Ourense, Santiago e Vigo.
-
Resolución do 5 de febreiro de 2004 da Dirección Xeral de Xustiza, pola que se constitúe o Servizo Común de Atención ao Cidadán e Asistencia á Vítima dependente do Decanato dos xulgados da cidade de Pontevedra.
-
Resolución do 5 de febreiro de 2004 da Dirección Xeral de Xustiza, pola que se constitúe o Servizo Común de Atención ao Ciudadano e Asistencia á Vítima dependente do Decanato dos xulgados da cidade da Coruña.