Exit OAVID
Exit

Se precisas SAÍR RÁPIDO de esta web, fai click no botón

Saír de OAVID
SAÍR

Estará sempre dispoñible na parte dereita das páxinas. Ao pinchar sobre él, levarate a un contido distinto.

Suggestions
    Show More
    Menor vítima de delito

    Recursos asistenciais dispoñibles

    Alén de poder contactar coas nosas Oficinas de Atención ás Vítimas de Delitos (OAVD) en Galicia, para proporcionarche todo o apoio que poidas necesitar (psicolóxico, social e xurídico), aquí indicámosche outros recursos asistenciais para garantir a túa protección e apoio: 

    Teléfonos de axuda

    • Teléfono ANAR de Axuda a Nenos/as e Adolescentes (900 202 010): Atención gratuíta e anónima as 24 horas. Ofrece apoio psicolóxico, xurídico e social a menores en risco.

    • Teléfono Infancia Responde (116 111): Liña gratuíta para denunciar situacións de malos tratos ou abuso infantil. Poden chamar os nenos e nenas e calquera persoa que saiba dunha situación de malos tratos infantís ou falta da atención correcta.

    • Procura de nenos desaparecidos (116 000): Esta liña non é para emerxencias, senón que está dedicada á procura de nenos desaparecidos. É unha liña gratuíta e confidencial que forma parte da rede europea de números de emerxencia para a protección infantil.

    • 016: En casos de violencia de xénero na contorna familiar.

    Unidades especializadas

    • Fiscalía de Menores: Protexe os dereitos dos menores. Podes acudir á Fiscalía Provincial máis próxima.

    • Policía Nacional - Unidade de Atención á Familia e Muller (UFAM): Especializada en violencia contra menores e violencia de xénero. Para denuncias, podes acudir a calquera comisaría.

    • Guardia Civil (EMUME): Unidade especializada en protección a menores e vítimas de violencia. Se unha muller ou un menor é vítima de violencia ou abuso, pódese acudir á Garda Civil para denunciar e solicitar a intervención da EMUME. Tamén actúan nos casos de desaparicións de menores e outras situacións de risco.

    • Equipo técnico do menor: Existen nas Xefaturas Territoriais da Consellería de Política Social e Igualdade en cada unha das catro provincias galegas, profesionais especializados na protección e atención a menores en situación de risco ou conflito.

    Centros e Servizos de Protección

    • Servizos de Protección de Menores (en cada comunidade autónoma): Acollen a menores en situacións de risco. Ofrecen apoio psicolóxico, social e legal.

    • Fundacións e ONG: Fundación ANAR, Save the Children, Fundación Vicki Bernadet, entre outras, ofrecen asistencia especializada a menores vítimas de abusos e violencia.

    Atención psicolóxica e sanitaria

    • Unidades de Saúde Mental Infantil e Xuvenil (USMIJ) do SERGAS: Especializadas na atención aos nenos e adolescentes con problemas de saúde mental, incluíndo estrés postraumática tras sufrir un delito.

    Asistencia xurídica

    Ligazóns de interese

    Oficinas de asistencia ás vítimas do delito